Friday, April 6, 2018

यस्तो पनि

स्थान : स्वयम्भु चोक
समय : दिउँसो को  साढे तिन देखि सवा चार सम्म

घट्ना १
सिम सिम पानी परिरहेको छ।  छाता  ओडेर म छोराको स्कूल बस कुरिरहेको छु।  त्यसै बेला एक पाको महिला छिटो छिटो आइपुग्छीन।  छाता नभएकोले छिटो छिटो गाडी चड्न खोज्छिन।  तर उनको गन्तब्यको गाडी आउँदैन। सायद नेपाली भाषा आउँदैन उनलाई त्यसैले गलत गाडी मा चढ्दै  वोर्लिदै गर्छिन। 
 म उनको नजिक जान्छु अनि  छाता शेयर गर्छु।  उनको गाडी आउंछ  अनि मतिर हेर्दै मुस्कुराउँदै जान्छिन। 

घट्ना २
एउटा स्कूल बस आउँछ।  एउटा सानी नानी ८ -१० वर्षा को गाड़ी बाट वोर्लिनछिन।  पारी पट्टी उनको आमा ब्यापारमा ब्यस्त होला।  एता बाट त्यो नानी ले बोलाएको सुन्दिनन।  म बाटो काटन मदद गर्छु।  उ कुदेर आमाको मा जान्छे। 

घट्ना ३
एउटा छुर्पी बेच्ने महिला छुर्पी बेच्दै आउँछिन। म छुर्पी किनेर छुर्पी खाँदै छोरा को बस कुर्छु।  

Thursday, February 8, 2018

दाँत र गाँजर

छोराको भित्रको दाँत किराले खाएको छ।  गाँजर  दिएको त्यही दाँतमा अड्केछ।

छोरा : गाँजर  अड्केछ आमा निकालिदिनु न।
म : ए किराले खाएको दाँतमा  अड्के छ।
छोरा : किराले गाँजर  खाँन्छ कि ?



Sunday, February 4, 2018

बाटो

बाटोमा हिड्दै थिएँ
सही बाटोमा
गन्तब्य पुग्ने बाटोमा
तर बाटो छुटेछ 
कती खेर र  कसरी  छुट्यो
 पत्तै भएन 
अब कुन बाटो हिंड्ने
 हिडिरहेको बाटोको  पनि ठेगान भएन। 
 

Thursday, August 3, 2017

लाखे

म : 'यो लाखे लाई पैसा दिनु न '
आमा : ' कती चोटि दिइ सके तर कहिल्यै राम्रो मुकुन्डो  किन्ने होइन  '

अनी लाखे र आमाको बाल्यकालको कथा सुरु हुन्छ

हरेक जनै पुर्णिमा मा गाई जात्रा - लाखे, गाउं हुँदै पर देवी खोलामा सेलाउन पुग्थ्यो । हरेक ठुला बाडाको   घरमा पैसा उठाउने र खाजा खाने काम हुन्थ्यो । लाखे सँगै मारुनी पनि हुन्थ्यो । लाखे थाके पछी मारुनी नाच्ने गर्थ्यो ।
 तरुनी , तन्नेरी जती सबै टाढा को बजार जान्थे भने बच्चा र बुढा  बुढी हरु चै गाउ कै लाखे हेरेर दाङग पर्थे ।

पल्लो गाउमा नेवारी बस्ती थियो । उनिहरु माटो को भाडा बनाउथे र कृषि पनि गर्थे । गाई जत्रा तेही बाट सुरु हुन्थ्यो । अनी सँग सँगै लाखे पनि । हामी बच्चाहरु तेही जान्थ्यौ । सुरु भए देखी न सेलाए सम्म हामी पछी पछी लाग्थ्यौ  ।

लाखे अग्लो थियो । साधारण मनिस भन्दा अग्लो । आकाश नै छुने गरी नाच्थ्यो । टाउको हल्लाउदै नाच्थ्यो । ठुलो मकुन्डो र लामो अनी  राम्रो जामा लगाएको हुन्थ्यो ।

अघिल्लो दिन  रात परेपछी लाखे आफ्नो गाउ फर्किन्थ्यो । हामी हाम्रो घर । भोली पल्ट बिहान भुइगल बाट लाखे कहिले आउछ भनेर बाटो हेर्थ्यौ । लाखे आउथ्यो नाच्थ्यो अनी जान्थ्यो । अघिल्लो दिन हाम्रो घरमा आउन नभ्एर हाम्रो घरमा दोस्रो दिन आउथ्यो ।

त्यसपछी गाउ नै  लाखेमय हुन्थ्यो। बारीको  मकैको जुङगा जती  सबै टाउकोमा हुन्थ्यो । त्यस पछी ....

ढंग ढंग कुटी  ढंग ढंग...ढंग ढंग कुटी  ढंग ढंग.... ढंग ढंग कुटी  ढंग ढंग....

Saturday, July 22, 2017

शनिबारको दिन बिहानी पख

बिहानै उठेर टि यू गेट पुग्दा सवा सात बजि सकेको थियो । दिन सफा थियो साथै मन खुशी थियो । अचेल धेरै घुम्न न निस्किने प्रण गरेको छु । घुम्ने पनि नसा रहेछ । नसा नलागेकै राम्रो ।
आज काम बिशेष छ । पानी परेको परेकै छ । बाटो हिलाम्ने छ । तै पनि नगइ नहुने छ ।

श्रीमानको मूड अली खराब छ आज किनकी बाटो हिलाम्ने र लामो छ । म गफमा भुलाउदै छु र बाटो छोट्याउने  प्रयास गर्दै छु । बाटो नराम्रो भए पनि तल तिरको धान बारी क्या राम्रो छ ।

चियो सुरुप्प पियौ  अनी फेरी लाग्यौ  गन्तब्य  तिर ।











काम सकियो अनी फेरी उही धुलौटे काठमाडौं आइपुगियो- शनिबारको दिन बेलुकी  पख

Friday, May 26, 2017

पाहुना

म : 'छोरा आज पिटर मामा आउनुहुन्छ '
छोरा : 'अनी '
म : मात्र

एक छिन पछी
छोरा : 'पिटर मामा' पनि  आएन ' मात्र ' पनि आएन । 

Friday, May 12, 2017

बाहुबली


अहिले फिल्म जगतमा सर्बाधिक चर्चा भइ रहेको चलचित्र हो . हुन पनि हिन्दी चलचित्र क्षेत्रमा  सबै बन्द बडी रेकर्ड बनाई  रहेको छ यस  फिल्म ले . सबै भन्दा धेरै पैसा कमाउने चलचित्र, एकदम राम्रो टेक निकल पाटो , कलाकार को अभिनय , निर्देशक  को निर्देशन आदि आदि ..
इन्डियन फिल्म जगतमा एउटा बम फुटेको छ जसले इन्डियन फिल्म जगत हल्लाई रहेको छ .
एउटा साधारण किसिमले ब्यक्खा गर्नु पर्दा यो फिल्म एकदमै रोचक छ . निर्देशक राजा मौलि ले प्रतेक घटनाहरुलाई सिर्जनात्मक तरिकाले प्रस्तुत गरेका छन् . घटनाहरु यसरि अगाडी बढ्छन्  कि दर्शक लाई कथा बगेको पत्तो नै हुदैन .
पात्रहरु को भूमिका  यति बलियो छ कि चाहे त्यो नायक, नायिका या चरित्र अभिनेता होस् .
यो चलचित्र बलिउड को लागि ठुलो झापड हो किनेभने स्टार डम मा चल्ने फिल्मी उद्योग लाई यसले कथा , सिर्जनशीलता र  मेहेनतले दर्शक तान्न सकिन्छ भन्ने सिकाएको छ .

फिल्म क्षेत्र को लागि यो  चलचित्र एउटा दस्ताबेज भई सकेको छ .